Family trusts and Hindu Undivided Families (HUFs)are India's standard legacy planning and tax efficiency methods. By filing under either of these laws,...
Synopsis: Copper prices remain near record levels, supported by AI-driven data centre demand, global electrification, tight mine supply and geopolitical disruptions. Despite...
Synopsis: Aluminium prices have surged to multi-year highs, driven by strong demand, supply constraints, and rising energy costs. Geopolitical tensions and...
ഇന്ത്യന് മ്യൂച്വല് ഫണ്ട് വിപണി ഉയര്ച്ചയുടെ പാതയിലാണെന്നുള്ളത് നിസ്തര്ക്കമായ കാര്യമാണ്. വിപണിയില് കൈകാര്യം ചെയ്യപ്പെടുന്ന മൊത്തം ആസ്തികളുടെ മൂല്യം 2014ല് 10 ലക്ഷം കോടി രൂപ ആയിരുന്നുവെങ്കില് 2020ല് അത്...
നിക്ഷേപം തുടങ്ങാനുള്ള ആവേശം പലരും അത് തുടർന്ന് കൊണ്ടുപോകാൻ കാണിക്കാറില്ല എന്നതാണ് യാഥാർത്ഥ്യം. പ്രത്യേകിച്ച് ഓഹരി അധിഷ്ഠിത നിക്ഷേപങ്ങൾ. ഒരു ആവേശത്തിന്റെ പുറത്ത് ചെയ്യേണ്ട നിക്ഷേപമല്ല അത്, മറിച്ച് ചിന്തിച്ച് അവശ്യസമയത്ത് വേണ്ട മാറ്റങ്ങൾ വരുത്തി നിക്ഷേപം തുടർന്ന് കൊണ്ടുപോകേണ്ടത് അത്യാവശ്യമാണ്. ഓഹരി വിപണി ചാഞ്ചാട്ടങ്ങൾക്ക് വിധേയമാണ് എന്നത് അറിവുള്ള കാര്യമാണ്. ഇത് എങ്ങനെ നേട്ടമായി എടുക്കാം എന്നാണ് പരിശോധിക്കേണ്ടത്.
ഓഹരിയുമായി ബന്ധപ്പെട്ട നിക്ഷേപങ്ങൾ ഒന്ന് നേരിട്ട് ഓഹരികൾ വാങ്ങുന്നതും രണ്ടാമത്തേത് മ്യൂച്വൽ ഫണ്ട് നിക്ഷേപം നടത്തുന്നതുമാണ്. നിക്ഷേപം രണ്ടു രീതിയിലാണ് നടക്കുന്നത് എങ്കിലും അടിസ്ഥാനപരമായ നിക്ഷേപം ഓഹരി ആയതുകൊണ്ട് വിപണിയിൽ ഉണ്ടാകുന്ന മാറ്റങ്ങൾ രണ്ടുതരം നിക്ഷേപത്തെയും ബാധിക്കും എന്നത്തിൽ തർക്കമില്ല. ആഘാതം എത്രമാത്രം ഉണ്ടാകും എന്നതിലാണ് വ്യത്യാസം. നേരിട്ടുള്ള ഓഹരി നിക്ഷേപം എന്ന് പറയുമ്പോൾ ഇതിലുള്ള ഓഹരികളിലെ എണ്ണത്തിൽ പരിമിതികൾ ഉണ്ട് എന്നത് യാഥാർത്ഥ്യമാണ്. എന്നാൽ മ്യൂച്ചൽ ഫണ്ടിൽ ഒരു സ്കീം തിരഞ്ഞെടുക്കുമ്പോൾ തന്നെ 30 സ്റ്റോക്കുകൾക്ക് മുകളിൽ ഉണ്ടാകും എന്നത് ഉറപ്പാണ്. അതായത് നിക്ഷേപ തുക എത്ര ചെറുതാണെങ്കിലും അത് ആ സ്കീമിലെ മുഴുവൻ ഓഹരികളിലും ഇടുന്നതിന് തുല്യമാണ്.
ഓഹരികളിൽ നേരിട്ട് നിക്ഷേപിക്കുമ്പോൾ നിക്ഷേപിച്ച ഓഹരികൾ നേട്ടം തരുക മാത്രമല്ല നഷ്ടം നൽകാനും സാധ്യതയുണ്ട്. എന്നാൽ ആ ഓഹരി വിൽക്കുമ്പോൾ മാത്രമാണ് യഥാർത്ഥത്തിൽ നഷ്ടമായി കണക്കാക്കാൻ പാടുള്ളു. നഷ്ടം നേരിട്ട ഓഹരി വാങ്ങിയ വിലയേക്കാൾ കുറഞ്ഞ തുകയിൽ നിൽക്കുന്ന ഓഹരി വിൽക്കുന്നില്ല എങ്കിൽ പിന്നീട് ഓഹരി വിപണി മെച്ചപ്പെടുന്ന സമയത്ത് ഈ ഓഹരികളുടെ വിലയും ഉയർന്നു വരുന്ന സാഹചര്യമുണ്ടാവുകയും, ലാഭത്തിലേക്ക് എത്താനുള്ള സാഹചര്യം ഉണ്ടാകാൻ ഇടയാവുകയും ചെയ്യും.
എന്നാൽ ഒരു മികച്ച നിക്ഷേപകൻ എന്ന നിലയിൽ വിലയിടിവ് നേരിട്ട ഓഹരി നിക്ഷേപത്തെ നോക്കി നെടുവീർപ്പിടുകയല്ല വേണ്ടത്. അതൊരു നിക്ഷേപാനുയോജ്യ സമയമായി കണക്കാക്കി കൂടുതൽ തുക ഈ ഓഹരിയിൽ നിക്ഷേപിക്കുകയാണ് വേണ്ടത്. ഇത്തരത്തിൽ വില കുറയുന്നതിനനുസരിച്ച് ഓഹരികൾ വാങ്ങുമ്പോൾ ശരാശരി വില കുറയുകയും പിന്നീട് ഓഹരികൾ പഴയ വിലയിലേക്ക് തിരിച്ചു വരുമ്പോൾ മികച്ച നേട്ടം ഉണ്ടാക്കാൻ സാധിക്കുകയും ചെയ്യുന്നു. ഒരു ഉദാഹരണത്തിലൂടെ കാര്യം വ്യക്തമാക്കാം. ഓഹരി വിപണിയിൽ 100 രൂപ വിലയുള്ള ഒരു കമ്പനിയുടെ ഓഹരി ഒരെണ്ണം വാങ്ങി എന്നു കരുതുക. ഈ ഓഹരിയുടെ മൂല്യം പിന്നീട് കുറഞ്ഞ 50 രൂപയായി എന്ന് കരുതുക. ആ സമയത്ത് ഉണ്ടായ 50 രൂപയുടെ നഷ്ടം കാര്യമായി എടുക്കാതെ ഒരു ഓഹരി കൂടി വാങ്ങുകയാണെങ്കിൽ ആകെയുള്ള രണ്ട് ഓഹരിക്കും കൂടിയുള്ള ശരാശരി വില എന്നത് 75 രൂപ ആയിരിക്കും. പിന്നീട് ഈ ഓഹരി അതിന്റെ പഴയ വില എത്തുമ്പോൾ 25 രൂപ ലാഭം ഉണ്ടാകും.
ഇത്തരത്തിലാണ് റുപ്പി കോസ്റ്റ് ആവറേജിംഗ് നടക്കുന്നത്. അതേസമയം ഒരു കാര്യവും ചെയ്യാതെ നിക്ഷേപിച്ചു ഇരുന്നെങ്കിൽ 100 രൂപ എത്തുമ്പോൾ നഷ്ടം മാറുക മാത്രമേ ഉണ്ടാകുമായിരുന്നുള്ളൂ. എല്ലാ ഓഹരികളിലും ഇക്കാര്യം നടന്നു എന്ന് വരില്ല. അതുകൊണ്ട് ഇത്തരത്തിൽ ഓഹരികൾ വാങ്ങുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്. ആദ്യം തന്നെ ഒരു ഓഹരി എന്തുകൊണ്ടാണ് വില കുറഞ്ഞുപോയത് എന്ന് മനസ്സിലാക്കുക. അടിസ്ഥാനപരമായി ഈ കമ്പനി മികച്ചതാണ് എന്ന് ഉറപ്പുവരുത്തിയിട്ട് വേണം കൂടുതൽ ഓഹരികൾ വാങ്ങിക്കൂട്ടാൻ. ഏതെങ്കിലും നിലവാരമില്ലാത്ത കമ്പനികളുടെ ഓഹരികൾ വില കുറയുന്നതിനനുസരിച്ച് വാങ്ങിയാൽ വൻ സാമ്പത്തിക നഷ്ടം ഉണ്ടാകാനുള്ള സാധ്യതയുണ്ട്. അതുകൊണ്ട് നിക്ഷേപം തിരഞ്ഞെടുക്കുമ്പോൾ തന്നെ മികച്ച കമ്പനികളുടെ ഓഹരികൾ തന്നെ വാങ്ങാൻ ശ്രമിക്കുക. ഒരിക്കൽ ആവറേജിങ് ചെയ്ത ഓഹരികൾ തിരിച്ചു വരവ് തുടങ്ങുകയാണ് എങ്കിൽ ആവശ്യമെങ്കിൽ വീണ്ടും പലഘട്ടങ്ങളിൽ ആയി വാങ്ങുന്നതും നല്ലതാണ്. എന്നാൽ മുഴുവൻ നിക്ഷേപവും ഒരു ഓഹരിയിൽ മാത്രം ഒതുങ്ങി പോകാതിരിക്കാൻ ഉള്ള കാര്യം പ്രത്യേകം ശ്രദ്ധിക്കണം.
മ്യൂച്ചൽ ഫണ്ടിൽ നിക്ഷേപിക്കുമ്പോൾ ഈ റുപീകോസ്റ്റ് ആവറേജിങ് പ്രധാനമാണ്. അതിനു സഹായിക്കുന്ന നിക്ഷേപരീതിയാണ് എസ്ഐപി. ഈ രീതിയിൽ നിക്ഷേപിക്കുമ്പോൾ ഓഹരി വിപണിയിലെ ഉയർച്ച താഴ്ചകളെ പരിഗണിക്കാതെ നിശ്ചിത ഇടവേളകളിൽ തുടർച്ചയായി നിക്ഷേപം നടത്തുന്നു. ഇതിൻറെ ഫലം ഒരു ശരാശരി വില നിക്ഷേപത്തിന് ലഭിക്കുന്നു. വിപണിയിൽ ഉയർച്ച മാത്രമല്ല താഴ്ചയും ഉണ്ടാകുന്നത് കൊണ്ട് തന്നെ ശരാശരി വില കുറഞ്ഞു നിൽക്കുകയും നിക്ഷേപത്തിന് കൂടുതൽ മെച്ചം കിട്ടാൻ സഹായിക്കുക ചെയ്യും. ഇത് വിപണിയിലെ ചാഞ്ചാട്ടം കൊണ്ട് നിക്ഷേപത്തിൽ ഉണ്ടാകാൻ ഇടയുള്ള ആഘാതം കുറയ്ക്കാൻ സഹായിക്കും. ദീർഘകാല ജീവിത ലക്ഷ്യങ്ങൾക്ക് വേണ്ടി നിക്ഷേപിക്കുമ്പോൾ എസ്ഐപി പോലുള്ള നിക്ഷേപങ്ങൾ മികച്ച നേട്ടം നൽകാൻ സാധ്യതയുണ്ട് എന്ന് പറയുന്നത് ഈ റുപ്പി കോസ്റ്റ് ആവറേജിങ് എന്ന കാര്യത്തിന്റെ പിൻബലത്തിലാണ്.
ഡോളറിനെതിരെ രൂപയുടെ മൂല്യം കുറഞ്ഞുവരുന്നത് ചർച്ചയാകുന്ന കാലമാണിത്. എക്കാലത്തെയും ഏറ്റവും വലിയ വീഴ്ചയാണ് രൂപയ്ക്ക് കഴിഞ്ഞ കുറച്ചു ദിവസങ്ങളായി സംഭവിച്ചുകൊണ്ടിരിക്കുന്നത്. 90 രൂപയ്ക്ക് മുകളിലാണ് ഇന്നത്തെ മൂല്യം അതായത് ഒരു ഡോളർ ലഭിക്കുന്നതിന് കഴിഞ്ഞ ആഴ്ചയിലെ റേറ്റ് അനുസരിച്ച് 90.57 രൂപ നൽകേണ്ട അവസ്ഥയാണ് ഉള്ളത്. ഡോളർ നിരക്കിലെ ഈ വർദ്ധനവ് ജീവിതത്തിൽ ഏതെല്ലാം വിധത്തിൽ ബാധിക്കും എന്ന് ശരിയായ ധാരണ ഇല്ലാത്തതു കൊണ്ട് സാധാരണക്കാരായ ജനങ്ങൾ പലപ്പോഴും ഡോളർ വിനിമയ നിരക്കിലെ മാറ്റം കാര്യമായി ശ്രദ്ധിക്കാറില്ല.
ഡോളറിനെതിരെ രൂപയുടെ മൂല്യം കുറയാനുള്ള കാരണം വിവിധങ്ങളാണ്. അതിൽ പ്രധാനമാണ് എണ്ണ വില വർദ്ധനവ്. അന്താരാഷ്ട്ര വിപണിയിലെ എണ്ണയുടെ വില കൂടിയത് ഡോളർ കൂടുതൽ കരുത്താർജ്ജിക്കാൻ സഹായിച്ചു എന്നാണ് മനസ്സിലാകുന്നത്. അതുപോലെതന്നെ വിദേശനിക്ഷേപത്തിന്റെ പുറത്തേക്കുള്ള ഒഴുക്ക് മൂല്യം ഇടിയാൻ ഒരു കാരണമായി. വിദേശരാജ്യങ്ങളിൽ സാമ്പത്തിക വർഷം അവസാനിക്കുന്നത് ഡിസംബറോഡുകൂടിയാണ്. ഈ കാലയളവിൽ അവരുടെ കണക്കുകളും മറ്റും പരിശോധിക്കുന്നതിന്റെ ഭാഗമായി വൻതോതിലുള്ള നിക്ഷേപം പിൻവലിക്കൽ ഓഹരി വിപണിയിലും മറ്റും നടക്കുന്നുണ്ട്. ഈ നിക്ഷേപങ്ങൾ വിദേശത്തേക്ക് കൊണ്ടുപോകുന്നതിനായി കൂടുതൽ ഡോളറിന്റെ ആവശ്യകത ഉണ്ടാവുകയും ഇതിനായി സമാഹരിക്കുകയും ചെയ്യും. അതുപോലെതന്നെ ഇറക്കുമതികാർക്കും മറ്റും ഇതുമായി ബന്ധപ്പെട്ട കമ്പനികൾക്കും ഡോളറിന്റെ ആവശ്യം ഈ കാലയളവിൽ വന്നതും ഡോളറിന്റെ മൂല്യം ഉയർന്നതിനും രൂപയുടെ മൂല്യം കുറയുന്നതിനും കാരണമായിട്ടുണ്ട്.
ഇന്ത്യയും അമേരിക്കയും തമ്മിലുള്ള വ്യാപാര കരാർ ചർച്ചകൾ നടക്കുന്ന സമയമായതുകൊണ്ട് തന്നെ ഇതിലെ തീരുമാനങ്ങൾ മൂല്യത്തെ ബാധിക്കും എന്നാണ് കരുതപ്പെടുന്നത്. ഇതിൻറെ പ്രതിഫലനം വരും ദിവസങ്ങളിൽ രൂപയുടെ മൂല്യത്തിൽ കാണാനാകും. ഡോളറിനെതിരെ രൂപയുടെ മൂല്യം ഇടിഞ്ഞു എന്ന വാർത്ത നിരന്തരം വരുമ്പോൾ പലർക്കും കോട്ടമുണ്ടാകുമെങ്കിലും മറ്റു പല മേഖലകളിൽ നേട്ടവും ഉണ്ടാകുന്നുണ്ട്. അതായത് രൂപയുടെ മൂലം കൂടുന്നത് വരവുകളെയും ചെലവുകളെയും നേരിട്ടും അല്ലാതെയും ബാധിക്കും. നമ്മുടെ സമ്പദ് വ്യവസ്ഥയിൽ തന്നെ കാര്യമായ പ്രത്യാഘാതങ്ങൾ ഉണ്ടാകും.
സാധനങ്ങളുടെയും സേവനങ്ങളുടെയും വില വർദ്ധിക്കാൻ ഇടയാകും എന്നതാണ് ഇതിൽ പ്രധാനപ്പെട്ട കാര്യം. നമ്മുടെ രാജ്യം പ്രധാനമായും ഇറക്കുമതി ചെയ്യുന്ന ഒരു വസ്തുവാണ് എണ്ണ. പ്രധാന ഇറക്കുമതി കാരായതു കൊണ്ടുതന്നെ രൂപയുടെ മൂല്യമിടിയുന്നത് വിപണിയിലെ മറ്റു സാധനങ്ങളുടെ വിലവർധനവിനും കാരണമാകും എന്ന കാര്യത്തിൽ സംശയമില്ല. ഇതിന്റെ ഫലമായി പണപ്പെരുപ്പം വിപണിയിൽ ഉണ്ടാവുകയും ഇത് ദൂരം വ്യാപകമായ പ്രത്യാഘാതങ്ങൾ ഉണ്ടാക്കുകയും ചെയ്യും. പല തീരുമാനങ്ങളും എടുക്കാൻ ഗവൺമെന്റിനെയും റിസർവ് ബാങ്കിനേയും പ്രേരിപ്പിക്കാൻ ഇടയാകും.
പണപ്പെരുപ്പം കൂടുമ്പോൾ സാധാരണ റിസർവ് ബാങ്ക് എടുക്കുന്ന ഒരു നടപടിയാണ് നിരക്ക് ഉയർത്തുക എന്നത്. ഇതിൻറെ ഫലമായി ഭവന വായ്പ, വാഹന വായ്പ, മറ്റു വായ്പകൾ എന്നിവയുടെ പലിശ നിരക്ക് ഉയർന്നതിന് കാരണമാകും. ഇത് സാധാരണക്കാരെ നേരിട്ട് ബാധിക്കുന്നത് ഇങ്ങനെ ആണെങ്കിൽ വാണിജ്യ വായ്പകളുടെയും പലിശ ഉയർന്നത് അവരുടെ ലാഭത്തെ ബാധിക്കാൻ ഇടയാകും. ക്രൂഡോയിൽ കൂടാതെ പ്രധാനമായും ഇറക്കുമതി ചെയ്യുന്ന മറ്റു സാധനങ്ങളാണ് കൽക്കരി, ഇലക്ട്രോണിക്സ് ഉപകരണങ്ങൾ, ഫാർമസ്യൂട്ടിക്കൽസ് എന്നിവ. ഈ സാധനങ്ങളുടെയും വിലവർധനവിന് രൂപയുടെ മൂല്യമിടിയുന്നത് കാരണമാകും.
വിദേശനിക്ഷേപകരെ സംബന്ധിച്ച് രൂപയുടെ മൂല്യത്തിലെ ചാഞ്ചാട്ടവും സമ്പദ് വ്യവസ്ഥയിലെ അനിശ്ചിതത്വവും ഓഹരി വിപണി നിക്ഷേപത്തിൽ നിന്ന് കൂടുതൽ തുക പിൻവലിക്കാൻ പ്രേരിപ്പിക്കും. തുടർന്ന് ഈ തുക ഡോളറിൽ ആക്കി അവരുടെ രാജ്യങ്ങളിലേക്ക് കൊണ്ടുപോവുകയും ഡോളറിന്റെ ആവശ്യക്കാർ കൂടുകയും ഇത് തുടർന്നും രൂപയുടെ കൂടുതൽ മൂല്യശോഷണത്തിന് കാരണമാകാൻ ഇടയാക്കും. അതുപോലെതന്നെ നമ്മുടെ രാജ്യവും പല വിദേശരാജ്യങ്ങളിൽ നിന്ന് കടം എടുത്തിട്ടുണ്ട്. ഈ വായ്പകളുടെ തിരിച്ചടവ് കൂടുതൽ ചെലവേറിയതാക്കും എന്നതാണ് രാജ്യത്തെ സമ്പത്ത് വ്യവസ്ഥയെ ബാധിക്കുന്ന മറ്റൊരു കാര്യം.
ജീവിതത്തിൽ കാര്യമായ വരുമാനം ഉണ്ടെങ്കിലും പലപ്പോഴും കയ്യിലെ നീക്കിയിരിപ്പ് നോക്കുമ്പോൾ കാര്യമായി ഒന്നും ഉണ്ടാവുകയില്ല എന്നത് സാധാരണ എല്ലാവരുടെയും പരിഭവമാണ്. എന്നാൽ എന്തുകൊണ്ടാണ് ഇത്തരത്തിൽ സംഭവിക്കുന്നത് എന്ന് ചിന്തിക്കുമ്പോൾ ഒരു പ്രത്യേക കാരണം കണ്ടുപിടിക്കാനും സാധിക്കുകയില്ല. ലഭിച്ച വരുമാനം ഏത് വിധത്തിൽ ചെലവഴിച്ചു എന്ന് കൃത്യമായി വിശകലനം ചെയ്താൽ പോലും പലപ്പോഴും ശരിയായ ഒരു നിഗമനത്തിൽ എത്തിച്ചേരാൻ സാധിച്ചു എന്നു വരില്ല. ഇതുണ്ടാക്കുന്ന മാനസിക സമ്മർദ്ദം ചെറുതൊന്നുമായിരിക്കില്ല. ഈ സാഹചര്യത്തിലാണ് സാമ്പത്തിക അച്ചടക്കവും സ്വാതന്ത്ര്യവും ചർച്ചയാകുന്നത്. കാര്യങ്ങൾ കൃത്യമായി നടന്നു പോകുന്നത് കൊണ്ട് മാത്രം സാമ്പത്തികം കൃത്യമായി കൈകാര്യം ചെയ്യുന്ന ആളാണ് എന്ന് പറയാൻ സാധിക്കില്ല. ജീവിത ചിലവുകൾ നടത്തിക്കൊണ്ടു പോകുന്നതോടൊപ്പം നിക്ഷേപവും ശരിയായ രീതിയിൽ നടത്തി മുന്നോട്ടുകൊണ്ടുപോയാൽ മാത്രമേ ശരിയായ രീതിയിലാണ് വരുമാനം കൈകാര്യം ചെയ്യുന്നത് എന്ന് പറയാൻ സാധിക്കുകയുള്ളൂ. ശരിയായ രീതിയിലുള്ള പൈസയുടെ വിനിയോഗമാണ് സാമ്പത്തിക ഭദ്രതയുടെ അടിസ്ഥാനം.
സാമ്പത്തിക അച്ചടക്കത്തിലൂടെ മാത്രമേ സാമ്പത്തിക സ്വാതന്ത്ര്യത്തിലേക്ക് എത്താൻ സാധിക്കുകയുള്ളൂ നിക്ഷേപം മാത്രം നടത്തി എന്ന കാരണത്താൽ സാമ്പത്തികം ശരിയായി വിനിയോഗിച്ചു എന്ന് പറയാൻ സാധിക്കില്ല സാമ്പത്തിക ശാസ്ത്രത്തിന്റെ എല്ലാ കാര്യങ്ങളിലും പ്രത്യേക ശ്രദ്ധ ചെലുത്തുന്നതായിട്ടുണ്ട് ഇത് എല്ലാവർക്കും ഒരേ രീതിയിൽ ചെയ്യാനുള്ള അറിവ് ഉണ്ടാകണമെന്നില്ല ഈ സാഹചര്യത്തിൽ ഒരു സാമ്പത്തിക വിദഗ്ധന്റെ സഹായത്തോടെ ഫിനാൻഷ്യൽ പ്ലാനിങ് നടത്തി നിക്ഷേപങ്ങൾ ശരിയായി ക്രമീകരിക്കാൻ സാധിക്കും. സാമ്പത്തിക ആസൂത്രണം നടത്തുമ്പോൾ ഒരു വ്യക്തിയുടെ വരുമാനം, പ്രായം, കുടുംബാംഗങ്ങളുടെ വിവരങ്ങൾ, ആസ്തികൾ, ബാധ്യതകളുടെ വിവരങ്ങൾ, ഇൻഷുറൻസ്, ജീവിതലക്ഷ്യങ്ങൾ, ജീവിത ലക്ഷ്യങ്ങളുടെ കാലാവധി എന്നിവ മനസ്സിലാക്കി അധിക സാമ്പത്തിക ബുദ്ധിമുട്ട് വരാത്ത രീതിയിൽ ജീവിതലക്ഷ്യങ്ങൾ സഫലീകരിക്കാൻ സാമ്പത്തിക ആസൂത്രണം സഹായിക്കും. സാമ്പത്തിക ആസൂത്രണം നടത്തുന്നതിലൂടെ ജീവിത ലക്ഷ്യങ്ങൾക്കുള്ള തുക സമാഹരിക്കൽ മാത്രമല്ല ഉദ്ദേശിക്കുന്നത്. ചിലവുകളുടെ നിയന്ത്രണം ഇൻഷുറൻസ് എമർജൻസി ഫണ്ട് സ്വരൂപിക്കൽ എന്നിങ്ങനെ വിവിധ ഘടകങ്ങൾ ശരിയായ രീതിയിൽ പ്ലാൻ ചെയ്ത് ആവശ്യമായ തുക എല്ലാ കാര്യങ്ങൾക്കും വീതിച്ചു നൽകുക കൂടിയാണ് ചെയ്യുന്നത്.
സാമ്പത്തിക സ്വാതന്ത്ര്യം എന്നതുകൊണ്ട് ഉദ്ദേശിക്കുന്നത് ചിലവുകൾ നടത്തിക്കൊണ്ടുപോകൽ എന്നത് മാത്രമല്ല, ചിലവഴിക്കുമ്പോൾ ആശങ്കയില്ലാതെ ചിലവഴിക്കുക എന്നതാണ് ശരിയായ സാമ്പത്തിക സ്വാതന്ത്ര്യം. പലപ്പോഴും പല കാര്യങ്ങൾക്കും നിങ്ങൾ പണം ചിലവഴിക്കുന്നുണ്ടാകും. എന്നാൽ ഈ തുക എത്രമാത്രം സ്വാതന്ത്ര്യത്തോടുകൂടിയാണ് വിനിയോഗിക്കുന്നത് എന്ന കാര്യമാണ് പരിഗണിക്കുന്നത് അതായത് ഒരു ഫാമിലി ടൂർ പോകുന്നു എന്ന് കരുതുക. ഇത്തരത്തിൽ യാത്ര പോകുമ്പോൾ പലവിധ ചിലവുകൾ ഉണ്ടാകും. ഈ തുക ചിലവഴിക്കുമ്പോൾ ആ വ്യക്തിക്ക് എത്രമാത്രം ആശങ്ക ഉണ്ടാകുന്നു, ഏതെല്ലാം ആവശ്യങ്ങൾ നീക്കി വയ്ക്കേണ്ടതായി വന്നിട്ടുണ്ട് എന്നിങ്ങനെയുള്ള കാര്യങ്ങൾ വിശകലനം ചെയ്താൽ നിങ്ങൾ സാമ്പത്തിക സ്വാതന്ത്ര്യം അനുഭവിക്കുന്നവരാണോ എന്ന് മനസ്സിലാക്കാൻ സാധിക്കും. ബഡ്ജറ്റ് നോക്കി ചിലവഴിക്കുന്നതല്ല ഉദ്ദേശിക്കുന്ന കാര്യങ്ങൾ നടത്തുന്നതിന് ആവശ്യമായ തുക മറ്റുകാര്യങ്ങളെ സ്വാധീനിക്കാതെ തന്നെ ചെയ്യാൻ സാധിക്കുന്നുണ്ടോ എന്നാണ് പരിശോധിക്കേണ്ടത്.
വരുമാനം വർദ്ധിപ്പിക്കുക എന്നതാണ് സാമ്പത്തിക സ്വാതന്ത്ര്യത്തിലേക്കുള്ള പ്രധാന മാർഗ്ഗം. ആവശ്യത്തിനു വരുമാനം ഉണ്ടെങ്കിൽ മാത്രമേ ചിലവുകൾക്കുള്ള തുക നീക്കിയശേഷം മിച്ചം പിടിക്കാനാകൂ.
ആവശ്യത്തിന് സേവിങ്സ് ഉണ്ടായിരിക്കുക എന്നതാണ് അടുത്ത കാര്യം. പെട്ടെന്ന് ഉണ്ടാകുന്ന സാമ്പത്തിക ആവശ്യങ്ങൾക്കാവശ്യമായ എമർജൻസി ഫണ്ട് സ്വരൂപിച്ചാൽ മാത്രമേ മറ്റു നിക്ഷേപങ്ങളെ ബാധിക്കാതെ പെട്ടെന്നുണ്ടാകുന്ന കാര്യങ്ങൾക്കായി പണം വിനിയോഗിക്കാൻ ആകൂ.
എമർജൻസി ഫണ്ടിന് തുക മാറ്റിവയ്ക്കുന്നത് പോലെ തന്നെ പ്രധാനമാണ് ആവശ്യത്തിന് ഇൻഷുറൻസ് പരിരക്ഷ ഉണ്ടാവുക എന്നത്. ആരോഗ്യ ഇൻഷുറൻസും ലൈഫ് ഇൻഷുറൻസും വളരെ അത്യാവശ്യമായി ഓരോ കുടുംബത്തിനും വേണ്ടതാണ് ഉയർന്ന ചികിത്സ ചിലവും മറ്റു സമ്പാദ്യത്തെ ബാധിക്കാതെ ചെയ്യുന്നതിന് ആരോഗ്യ ഇൻഷുറൻസ് അത്യാവശ്യമാണ്. കുടുംബത്തിൽ വരുമാനം കൊണ്ടുവരുന്നവരുടെ പേരിലാണ് ലൈഫ് ഇൻഷുറൻസ് എടുക്കേണ്ടത്. ആരുടെ വരുമാനത്തെ ആശ്രയിച്ചാണോ ആ കുടുംബത്തിലെ കാര്യങ്ങൾ മുന്നോട്ടുപോകുന്നത് അവരുടെ പേരിൽ ഇൻഷുറൻസ് പരിരക്ഷ നിർബന്ധമായും എടുത്തിരിക്കണം. രണ്ടുപേരും വരുമാനം ഉള്ളവരാണെങ്കിൽ രണ്ടുപേരുടെ പേരിലും ഇൻഷുറൻസ് പരിരക്ഷ ഉണ്ടായിരിക്കണം.
